Nawao Khobar (নাওয়া খোবর) Santali Poem in Bengali- Moi Susil Hembram
নাওয়া খোবর
আলিঞ হাসা খৗদৗল সোররে
তেঙ্গোকাতে চেৎদম ঞেলএদা খোবরিয়ৗ
হাসা খৗদৗল সেৎ
মায়াং দাঃ কাতে ওডোকঃ কান্ উদগৗর ?
ঞেল মে, ঞেল মে মা আরহঁ ঞেল মে
ভর যুয়ৗন রে হড়ম রাপুৎ আকান
জাঁহা চাউহৗড়ি বৗইসৗও আকান
নুনঃ খাটাওকাতে রে হঁ
বার্ বেড়া লাচ বিয়ঃ জম বাংতে ।
হড়ম রেনাঃ গেঁদড়াঃ খৗড়ুয়ৗঃ
অড়েচ্ জিরিহিরি আকান,
অনা রেনাঃ চোকা খন
লাজাও উয়ুকাতেয় আতেন আকাৎ
হাপে সো চেৎক লৗই !
রগ আজাআররে বৗনুঃ না,
হড়ম শ কান ঢান্ ঢান
আঞ্চার অড়েচ সিরপুচ বাখান ডেঁগা
সোগোড় সেচেৎ দাও
এড়েঃ কান্ ক জাও
ভারত দিশমরেন্ হাপেন নাগারিয়ৗ !
দেন য়ু দাকা-দেন য়ু দাকা
আর কৗটিচ্ ইঞ্ জম-
উনকো আ কাহিস আয়ো জ বাঞ্ দহু দাড়ে কাওদা
সেতাঃ খন্ সিঁগৗড় খাটাওকাতে রেহঁ !
রেডেৎ রডচ জাওগে চালাও হিজুঃকানা
নাচার কাউডি হালত চেতান
নাচার খন নাচার আকান আলেয়াঃ হালত
নংকান আদ বালে সাহাও গেয়া ।
হুলসৗই আর হুলসৗইতে
থার থারাঃকানা সেরমা
থিরঃ পে সো থিরঃ পে সো
মুচৗৎ আকান তাক রড়মা
হক আইদারি বাতাও গেয়ালে হাতাও গেয়ালে দাওদ
এভেনাকানালে এভেনাকানালে
বানুঃ আকাৎলে আদ হালে ডালে
তেয়ার আকাদালে যুমিৎ গাঁওতা
তেয়ার আকাদালে সেমলেৎ
মুচৗৎ গেয়ালে রেডেৎ রডচ রেজেৎ পাটুপ্ কাতে ।
-মই সুসিল হেমরম
