Kulhi Dhurire (কুলহি ধুড়িরে) Santali Poem in Bengali - Sadhan Kumar Mandi
কুলহি ধুড়িরে
দিশৗয়েদাঞ্ কুলহি ধুড়ি উইহৗরেদাঞ্ তুড়িঘুড়ি
রুয়ৗড় গেচ সানাঞ কানা কুলহি ধুড়িতে
ধুড়ি দাকা আড়াঃ উতু মাদার সাকাম জাঁওয়ায় বাহু
রু য়ালে তুমদাঃ টামাঃক্ কড়াম মচাতে ।।
কুলহিরে গাতে জুরি খেলোড় আলে সারাঘাড়ি
রৗস্কৗলেরে উনুমকঃআ ঝত গাতেগে
সিঞ্ চাঁদো সিঁগাড় সাঁওতে খেলোড় খনাং রুয়ৗড়কাতে
আয়ো ঠেনিঞ্ আরজা জমাঃ লৗইতে ।।
আয়ো ইঞিজ তোয়াদারে এটা এতম হারে ফারে
হালো রাকাব হবরকাতেয় চঃ আঞ্ জহারে
অনা তায়ম দুদু তুলুজ চেহরজিঞায় কেঁড়েজ দঁড়েজ
চেরেজ মকঞ্ জাপিদৗঞ্ নিদো নিদোতে ।।
বুলাওকাতে ইঞ্আয়ো বেরেৎআয় কায়াকোয়া
জেরেৎকাতে দেওহে বাতি ইসিন লাগিৎ কেদোঃ
ইসিনকাতে কেদোঃ দাকা আয়োয় হহয় হপনটা
আঁগব্ মেসা ইত্কিৎ আতেঞ্ বেরেৎ চেঠাঃ আ ।।
ইঞ্ দ বাংইঞ্ জমাকা বরংইঞ দ নুনুঞ্ জমা
বাৎখান দ এহব গদাঞ্ খুনুঃ খুনুঃ খুনুঃ
আয়োয় মেনা আলম রাগা তোয়া দারায়আ হিজুঃআ
তোয়া বতরতে ইঞ দঞ্ গুঁগুৎ গদঃআ ।।
লুকুৎ লুকুৎ উইহৗর হিজুঃ হোডগো তোয়া কওয়াঃ কাথা
বাঞ্ দিসৗয়া তিনকরে চঞ্ জাপিৎ আকাদা
কচা সিমাঃ কুকড়ুতে উড়গো পোড়গো বেরেৎকাতে
রিঙ্গৗ আঞ্ সাতে সাঁওতে কুলহি ধুড়িতে ।।
-সাধনকুমার মান্ডি
