Ego Dularia! Dular da aka Bam Lai Adiya (এগো দুলৗড়িয়া! দুলৗড় দ অকা বাম লৗই আদিঞা) Santali Poem in Bengali

Ego Dularia! Dular da aka Bam Lai Adiya (এগো দুলৗড়িয়া! দুলৗড় দ অকা বাম লৗই আদিঞা) Santali Poem in Bengali

এগো দুলৗড়িয়া! দুলৗড় দ অকা বাম লৗই আদিঞা

বৗইসাক্ ঝেট সৗরদি সেতোং লল

ইঞদ সিকৗরিয়ৗ তেতাংতে টলমল

আমদ দাঃ এম লিগিঁনকানা ঝারনাবুরু ঘাটরে

কয় তরা রৗসকৗ মনেতে দাঃ এম এমাদিঞৗ

এগো দুলৗড়িয়ৗ! দুলৗড় দ অকা বাম লৗই আদিঞা ।

আসাড়-শান ঝমর ঝম রে জৗড়ি

ইঞদ রৗপুৎ অড়াঃরে দাঃ জর আঞ্ আড়ি

আম দ সাঁঘারিয়ৗ জর বাড়ে চাঁগা ডাহার রে

মেন তরা কুসি মনেতে জিউয়ি হড়মোম উমুলকেৎ তিঞৗ ।

এগো দুলৗড়িয়ৗ! দুলৗড় দ অকা বাম লৗই আদিঞা ।

ভাদর-দাঁসায় দ বৗদ খেতরে আনাজ

ইঞদ জারমাৎ তারমাৎ নাচার রেগেঁচ

আমদ ধরম ধরম-বির বিলি তালে আহার ঘাটরে

কয়তরা নিরড় মনেতে জমাঃ এম এমাদিঞৗ

এগো দুলৗড়িয়ৗ! দুলৗড় দ অকা বাম লৗই আদিঞা ।

সহরায়-আঁঘাড় রেয়াড় রাবাং ঞুরুঃআ ঞিদৗ শিশির

ইঞদ কোটো হড়ম রাবাংতে লুকুৎ লুকুৎ থির

আম দ সিঞবির রাবাং এম দারাম ধুড়ি ধারতিরে

কয় তরা নাপায় মনেতে সেতোং এম এমা দিঞৗ

এগো দুলৗড়িয়ৗ! দুলৗড় দ অকা বাম লৗই আদিঞা ।

পুষ-মাঘ দ খৗরৗই, অড়াঃরে আনাজ

ইঞ্ দ পেরেচ এনতিঞ্ রেঁগেচ-তেতাং জৗনিচ

আমদ-হাউসি রুসিকৗ জজবুটৗ লাগচার আখড়ারে

কুলি তরা লাঁদাকাতে আমাঃ ওপোরোম এম লৗই আদিঞৗ

এগো দুলৗড়িয়ৗ! দুলৗড় দ অকা বাম লৗই আদিঞা ।

ফাগুন-চৗত বিরবরুতে বাহা রেয়াঃ স-সঁধাড়

ইঞ্দ সাঁহেৎকাতে আগচ লৗগিৎ ইঞ্ বাহা সাড়

আম দ হয় বির দান এদাম সঁধাড় বসমতারে

কয়তরা সঁধাড়েম হেলকাও আদিঞা

এগো দুলৗড়িয়ৗ! দুলৗড় দ অকা বাম লৗই আদিঞা ।

                                           

                                                   -শ্যামচরণ হেমরম