Mat Bagoyan (মাঁৎ বাগওয়ান) Santali Poem in Bengali-নন্দলাল মারণডি
মাঁৎ বাগওয়ান
বাড়গে ধারে মাঁৎ বাগওয়ান বিররে গাজাড় সিনাম ।
রাস্কৗ জাগাঞ্ ঞামঃকওয়ান, ঞেলগে সানাঞ দিনৗম ।।
হয় লাড়াঃ হালায় হালায় মিৎধাওতে দারে ।
ঠুণ্টা দারে চেৎরে ভালায় উসাৎ আকানারে ।।
রাস্কাতে গে আর ক যত সানাম লেহের কদঃ ।
থিররে চেদাঃ আচকে মত বাংএয় লাড়াও হদঃ ।।
বনা কাঁহুকঃ ক হালে নিয়া গাজাড় রেগে ।
বাসাঃতেক সাগুন তালে ভিতর বাহার যেগে ।।
দিনাম দিনাম ক রাঃ সাডে সিগাঁড়তে আর ভোর ।
উডাঃ আক হাঁডে-নাডে চেরো বেরোয় ঘোর ।।
বেরথা বাক চোরো বেরো পহর পহর নুকু ।
বুঝৗউ লেরে গেয়ান ঢেরো ; বুজাম উকু চুকু ।।
চেরো যেখনে ভোরা চাঁদো গেচক ঞুমে ।
সিগাঁড়তে হঁ রুওয়ৗড় তরা অডঁহোতেক উমে ।।
নুকুবনা কাঁহু কঁগা দেবন পাঁজায় হর ।
“চাঁদো বগাঁ চাঁদো বগাঁ দেসে পহর পহর” ।।
-নন্দলাল মারণডি
No comments: