Inah Kayrabani (ইঞাঃক্ কায়রাবনি) Santali Poem in Bengali-গোরাচাঁদ টুডু
ইঞাঃক্ কায়রাবনি
সাফা পোঁডগে পিড়িঃৎ পিড়িঃৎ
ঘেরাও এসেঃৎ দারেকোতে
সাঁঙ্গিঞ্ খনেম্ আরিঃৎ লেরে
হুলৗস্তামা মনে
অতে আচতে আড়াং জৗহিরামকান
হানে কায়রাবনি ।।
অৗকিল এঙ্গাঞ্ কায়রাবনি
মানৎমিয়ৗঞ্ মানত
যত খন ইঞ্ দুলৗড়মেয়া
ইঞাঃক্ কায়রাবনি
ইঞাঃ গরব ভক্তি ইঞাঃক্
নওয়া ইঞাঃক্ কায়রাবনি ।
হুডিং হাপড়াঃক্ আঙ্গা আয়ুঃপ্
এনেচ আবো সেরেঞাবো
কৗমিআবো সঁগে সঁগে
হেড়ান হুলৗসাতে
আর হিডিঞ্ আবো ভাবনা হামাল
লাঁদা লাঁদা তেগে ।
মহঁর চাপান ভাগান জিতান
বছর বছর বিদৗ বাহের
মহিমা হঁ বামবের ইদিঃক্
আতো ডিহাৎ হৗবিচ্
আর কায়রাবনিরে সোয়াং সাহরেঃক্
বোলন নাওয়ান কোতে ।
সেরেঞ্ তামাঞ্ সাবাসিতাম্
জীয়ন জাঁহারেগেঞ্ বিতৗউ
সিসিরাজিয়ৗউইঃচ্ আঞ্জম লেরেম
অৗজিজ ইঞাঃক্ নিয়া
এ, আশিরবাদাম হারাকাম, সানাম
ইঞাঃক্ কায়রাবনি ।।
-গোরাচাঁদ টুডু
No comments: