Hala Ruyara (হালা রুয়ৗড়) Santali Poem in Bengali -গুরুদাস মুরমু
হালা রুয়ৗড়
তুমাল কেদাম অড়াঃ পেরেচ জমাঃ
এহো মহাজন,
লৗই কেয়াম অনাক দ আমাঃ
খাটুয়া রেয়াঃ ধন ?
দিশায় মেসে হায়রে অকাঃ হিলোঃ
খাটাও কাতে বাম এমাদে কুড়োই
উদুঃ আদেম মেনাঃগে তায় উধার
তিস চ হালাঃ হায়রে অক বাড়ায় ?
নংকা তেগে হারায়েনা সুদ্
উন দ খালি উলিদাঃ এম উদ্
চিকা কাতেম হামেট তায়া হাসা ।
মেতাদেয়াম, “এয়া নংকা রেঁগেচ দশা
উধার আমাঃ অহন হালাকেয়া
বরং ইঞ মিৎকাথাঞ লৗইয়া
পুখরি লাতার মঁড়ে বিঘা হাসা
অলাঞমে-অনা পুখরি মেশা”,
আঁজম কাতে হাহাড়াঃ গে কাথা
কয় বাড়ায় কংকা ক্ষেপা নাতা
বাং এ বুঝাউ-চিকা কাতে উনাঃ
নেতার রেহঁ ঋনদ দহ মেনাঃ ?
উমিন দিনে খাটাও আকান বেগার
এনহঁ বাং-হালা আকাল উধার ?
বুঝাউ কেদেম অৗডি
আর বাখানেম্ উদুঃ আদে লাঠি ।
মেতা দেয়াম, “হাজত মেয়ালাং
কংকা হেজলাং” ।
উদার মানমি হায়রে বতর জালা
টিপ আদায় দলিল আমাঃ অলাঃ,
হেঃচ্ তিনাঃ এম অল বারতি আকাদ
বানুঃ আ মেঁৎ, অনাক ঞেল লাগাৎ ।
আমেটকেদাম সানাম হাসা ধুড়ি-
সাজাও কেদেয় ককয় হড়িচ জুরি ।
নআ দ আলাম মেনা
জিউয়েৎ ভোরেম ভুঞ্জোট জংআ অনা ।
তেহেঞ দক এভেন রাকাব কানা
দিশোম তালা সানাম রেঙ্গেচ অরেচ
যদি বাম এমাক, আমাঃ জম সারেচ
কেড়েঃ আক রেরেচ
হুদা হুদা রেঁগেচ্ গিদি লেকা
সিবড়মেক আমহঁ চাকা চাকা
তুমৗল হমাঃ ঝতক আড়াই আড়াই
উনেম বুঝাউ
হালাওয়াকান যা যুগ দহ কুড়ৗই ।।
-গুরুদাস মুরমু
No comments: