Magician (ম্যাজিশিয়ান) Santali Poem (ONORHE) in Bengali
ম্যাজিশিয়ান
হুস মান্তার
বাচ্চা লো-ক তালিয়া বাজাও-
ম্যাজিশিয়ান উদুঃএদায় ম্যাজিক
মিৎ তি রেতায় যাদুকাঠি
আর তিরে আরসি-
যাদুকাঠি জপটেৎ তে-
আরসিরে ঞেলএনা
১৮৫৫ সাল-
বাবুলোক হারাম ই ম্যাজিকের
নাম আছে- আরসি ম্যাজিক ।
হুস্ মান্তার
হিঃ হিঃ হিঃ-হিঃ হিঃ হিঃ ।
দিখো দিখো বাবুলোক
আরসি কা খেল দিখো-
আরসিরে ঞেল এনা
সারজম গিরৗ
হুল
সান্তাড় হুল
হুলরে সেঁগেল দাউ দাউ ।
সেঙ্গেল বেড়হায় কাতে
তিরে সাপাপ তি
রৗক্সৗ
জুমিদ দাড়ে
দুলৗড়
সান্তাড় হুলরে
তারকোঃকান শ্লোগান
ফুরগাল আড়াং
মিৎ চুপুদ্ দাকা-
তাঁহেন ঠাঁও রেনাঃ হক-
হুস্ মান্তার
হিঃ হিঃ হিঃ-হাঃ হাঃ হাঃ
ম্যাজিশিয়ান উদুঃএদায় ম্যাজিক
মিৎ তিরেতায় যাদুকাঠি
আর তিরে আরসি-
যাদুকাঠি জপটেৎতে-
আরসিরে ঞেলএনা-
নাহাঃ অকত্-
বাবুলোক-আরসি ম্যাজিক কা
দুসরা খেল দিখো-
হুস্ মান্তার
দিখো দিখো বাবুলোক
আরসি কা খেল দিখো-
আরসিরে ঞেলএনা-
ফেস্টুন,
রাজনীতি
লৗড়হৗই
সান্তাড় লৗড়হৗই
সান্তাড়ঃ তিরে সার
সার ক টেরাংএদা
আঁপড়ে বাখোলরে
বাখোল খন্ লিঙ্গিঃকান
বয়হা মায়মা !
সান্তাড়াঃ তিরে সাডেকান বান্দুক
দুম্ ! দুম্ !! দুম্ !!!
ধাসকাঃ কান
সান্তাড়াঃ জুমিদ দাড়ে
ছিম ছাতুড় দুলৗড়
বয়হা দুলৗড়
খাঃ খাঃ লাঁদায়েদায়
নাহাঃ রাজনীতি ।
হুস্ মান্তার
দিখো দিখো বাবুলোক
সান্তাড় কিমোন রেচ্ করছে সান্তাড়কে
সান্তাড় কিমোন গচ্ কোরছে্
হিঃ হিঃ হিঃ বয়হা দুলৗড়
হাঃ হাঃ হাঃ বয়হা মায়াম সাগাই
হিঃ হিঃ হিঃ হাঃ হাঃ হাঃ
বাচ্চালোক তালিয়াঁ বাজাও ।
-মারশাল হেমরম