Pandu Sakam (পৗণ্ডু সাকাম) santali Poem (ONORHE) In Bengali- Kaliram Murmu
Pandu Sakam (পৗণ্ডু সাকাম) santali Poem (ONORHE) In Bengali
পৗণ্ডু সাকাম
ফৗগুন বোঁগা সৗগুন সেতাঃক্
বানামরে ওকা রৗড় দো রেতাঃক্
লৗইকেয়াম আম এ হো পেড়া
নওয়ারেনাঃক গৗহির কাথা মিঃৎবেড়া ।
অহকেয়াম ? তবে হো দেলা
কুলিয়েআলাং পুঠু-পাঠ চেলা
অকয় দিনৗম রিলৗমালৗ
মনে মগন মুঁদির তালা
গুরুগমকে সাঁওতে আতে
কিরধুম দুড়ুপ্ কাতে মান্ তারে পাড়হাওয়া
পালেন উনি দয় বাডায়েয়া ।
পাট চেলা খৗলিও লৗই
“মারে পেড়া বিদৗই বিদৗই
মারে পেড়া বিদৗই বিদৗই” ।
পৗণ্ডু সাকাম আঁগাতেকো আতেনা
লুতুর বিঃৎকাতে, নংকা অকয় মেনা
মারে পেড়া বিদৗই বিদৗই
মারে পেড়া বিদৗই বিদৗই ।
উন্ কোগে কো তাহেঁকানা মারে পেড়া, মারে
দারে কোআঃ দুলৗড় দোলরে
নওয়া মঞ্চ পুরি চেতান
তিনৗক্ মঞ্চ, মঞ্জান ।
মেনেক রড় পারোম বাো সাহাও
দারে ক ঠেন বিদৗই হাতাও
দোলে খন্ দন আঁড়গোনাকো অনাতে-
সানাম গাতে গাতে- সোবা সাতে ।
অকয় দ তাবেরকাতেয় গড এৎ
অকয় দ হৗনি জাঁগায় জটেদ্ এৎ
হৗনকু তরা ঝৗন্টি জাপাঃ
তিন খন্ চ হাপাক্ হাপাক্ ।
রারাঃ কানাকো হুঁকুর হুঁকুর
সারাচ্ সুরুচ্ ফুকুর ফুকুর
আর হঁ হৗঙ্কু বুজুঃক্ বুজুঃক্
বিছকতে কো ডুবুঃচ্ গুজুঃক্
মান্ ঝিকোআঃক্ মৗজলৗরে
পানিতেকোআঃক্ পুখরিরে ।
নওয়া ধুড়ি ধৗরতি বৗগিকাতে
দারে কো ঠেন বিদৗই হাতাওকাতে
নাগা সাধু সাজাওকাতে
হয় বান্ডো গাতেকাতে
আদমক দ বিছক মনে তেন
সড়কতেকো সহর রাকাপ্ এন !
পৗন্ডু সাকামাঃ দুক ঞেলতে বেবাক
ইঞ্ দ এ হ মারে পেড়া ইঞ্ তেবাগ্
বিদৗই অকতে হিজুঃকানা সেটের
পাছে ঞুরআঞ্ নঃকাগে দুক্ চেটের
জৗনিঃচ্ উন দ চেৎরে হঁ বাং জোআঃ
হারতা গিডি হোয়োঃক্ তিন-আ থৗরি দাকা লোআঃক্
উন্ দ জৗনি’চ্ ওহোকেতাইঞ্ হাজম
জুদি এহ্ নওয়া কাথাগেঞ্ আঞ্জম
‘মারে পেড়া বিদৗই বিদৗই
মারে পেড়া বিদৗই বিদৗই’।
-কালীরাম মুরমু
|