Cedah (চেদাঃ) Santali Poem in Bengali-শ্যামচরণ হেমরম
চেদাঃ
সেরমা মা চটেরে সৗরি হো
রিমিল মা হুডুরঃকান ।
পুখরি মা ঘাটেরে সৗরি হো
রটে মাম রারাঃ কান
রাঃ তেম হঃমরঃকান চেদাঃ হো
দাঃ মা দারায়তে ।
আতো মা ডিহিরে সৗরি হো
সাকওয়া মা সাডেঃকান
বির মা বুরুরে সৗরি হো
জিল মাম ঞিঃঞির্ কান
ঞিরতেম দৗ দৗড়কান চেদাঃ হো
সেঁদরা কো দারায়তে ।
আখড়া মা সাসড়ারে সৗরি হো
মাচেৎ মাম চেঃচেৎ কান
পৗঠুওয়ৗ মা গিদারৗরে সৗরে হো,
সেচেৎ মাম চেঃচেৎ কান ।।
চেচেৎ তেম লেঃ চেৎকান চেদাঃ হো
অৗকিল গেয়ান আরজাওতে !
আখড়া মা বুটৗরে সৗরি হো
টামাক মা সাঃডে কান
মৗদাঁড়িয়া মা নাচোনিয়ারে সৗরি হো
এনেচ মাম সেঃরেঞকান
সেরেঞতেম এনেচকান চেদাঃ হো
রৗস্কৗ মা মেটাওতে ।
-শ্যামচরণ হেমরম
No comments: