Jibana lauoka (জীবন লৗউ্কা) Santali Poem in Bengali-গোরাচাঁদ টুডু
জীবন
লৗউ্কা
ধৗ্রতি জালাপুরি নওয়া
টিপ খন ।
পাকরো্ম হোয়োঃতিঞা জীবন
লৗউ্কা ।।
হানা সারে
মঞ্জ ঘাট তিস ইঞ্ তিওগ্ ।
তিস ইঞ্
আওসানোঃআ বৗঞ্ বাড়ায় ।।
তোঙ্গো দাঃক্
ঘাটরে তাঁহেকানরে ।
অহমালেদাঞ্
থিরা গটা সাগর ।।
চালাওতিঞৗঞ্
লৗউ্কা লেগেম লেগেম ।
গল আর
সেরেঞাতে মোকাম হাবিচ ।।
বাহেরকেদাঞ্
লৗউ্কা ঘেরাও ঘাট খন্ ।
আথান
রোগোড়তেঃৎরে পাড়াও এনা ।।
পোন্ডগে
কামসা কামসি লাহা খন্ ঢেও ।
তুলতে
তাওয়াঃক্ এদায় তেকেচ্ তেকেচ্ ।।
এতম কঁয়ে হর
হঁঞ্ লেগাৎ গেয়া ।
পোনোন সেন
ঘেওরাতেঞ্ ঘেরাওগেয়া ।।
ভোয়োন হঁ ভোর
মেতে রাকাঃপ্ আইঞখান ।
হোয়নোয়গে লৗউ্কা
দঞ টারহাওয়া তিঞ ।।
ঢেও ঘেওরা
তালারে আরহঁ বিরবাঁও ।
জৗপুৎ এদিঞ্
কানায় তৗপুগেঞায় ।।
নাখা সেরমা
সানাম ঞুৎএনা হায় ।
অকা সেজাঞ্
লৗউ্কা ডোয়লাওঃতা নিত ।।
সিরজন
সুরিকরে ইঞাঃক্ চেৎ খেমতা ।
ঝঞঝাওয়া
গোঃক্ গেতিঞ্ জীবন লৗউ্কা ।।
রুখিয়াঞমে
প্রভুতিঞ্ উনুমোঃক্ খন্ ।
লেবদা
রাকাঃপ্ কোঃকমাঞ্ মোকাম টিপরে ।।
-গোরাচাঁদ টুডু
No comments: