Thakurre Mone Rebed Me (ঠাকুররে মনে রেবেদ মে) Santali Poem in Bengali-মঙ্গলচন্দ্র সরেন
ঠাকুররে মনে রেবেদ মে
ঠাকুর বৗগিকাতে বাবু
অকাতেম চালাঃকান্
জাহের খনাঃ ঠাকুর গে চয়
ককয়ঃ কান্ ।
হুদিসগে বাবু বানুঃ তামা
চেৎ এম কৗমি কান্
মানমি লেকাগেম্ এড়েয়ে কান্
ঠাকুর হঁ তাম্ ।
ঠাকুর এড়ে দাড়ে বাবু
বানুঃ আনতাম্
কৗইক লৗগিৎ ইকা কয়মে
তবে দারায়াম্ ।
সমাজ রেনাঃ মেৎরে ধুড়িম্
এ এর কান্
ঠাকুর ঠেনদ এন হঁ বাবুম
সাপ্ হচঃকান্ ।
বারসিঞ লৗগিৎ ধৗরতিরেম্
জানাম আকানাম্
ঠাকুর বেগর অকা কৗমি হঁ
বাংগে গানঃ তাম্ ।
জাতি সমাজ ধরম করম
সুসৗর হয়োঃ খান্
ঠাকুর বেগর ধৗরতিরে দ
হরগে বানুঃ আন্ ।
-মঙ্গলচন্দ্র সরেন
No comments: