Badayakadain(বাডায়াকাদাঞ্) Santali Poem in Bengali-সেদায় শিরিজল
বাডায়াকাদাঞ্
বাডায়াকাদাঞ্ ইঞ্ দ তিহিঞ্ যুদিয় বাঙিঞ্ জানঃআ ।
অড়াঃ ঢিংকি তায়ানঃগেয়া খাম খুনটি গে ডৗনঃআ ।।
আমাং লাদেয়াঃ সাতে সেনের আমাং বহঃরে ঞুরুঃ আ ।
ছাটকা রেগেম তাপিঞ্ তহদঃ আর্ বাখানেম খুরুঃ আ ।।
হাঁডে নাডে দম সুনুম সাকাম ঘানেম জান পাছানঃ আ ।
বাডায়াকাদাঞ্ ইঞ্ দ তিহিঞ্ যুদিয় বাঙিঞ্ জানঃআ ।।
বয়হা গেদয় হিঁসকা বেশি আম দ আডিম দায়াঃ আ ।
তায়ান মেৎদাঃ জরয় লেকা পড়শি হঁচয় মায়াঃ আ ।।
জমে ঞাম তোরে গড়-গপড় চাবালেন খানে ছানঃ আ ।
বাডায়াকাদাঞ্ ইঞ্ দ তিহিঞ্ যুদিয় বাঙিঞ্ জানঃআ ।।
গটৗ ধৗরতি-তাড়াও কাতে ঞেলমে ঝুড়ি আ ঝাবাকাতে ।
হড় হপনাঃ তোঙ্গে রুয়ৗ দ এনহঁ বাংগে চাবাঃ আ ।।
মায়াম রেঙ্গেচ লব বেশি তায় অকয় ঠেনেম রানঃ আ ।
বাডায়াকাদাঞ্ ইঞ্ দ তিহিঞ্ যুদিয় বাঙিঞ্ জানঃআ ।।
সাগাল সাগাল হানকো গিদি বসমতা ক ভাগাড়েৎ ।
তিনাঃ হড়াঃ লাচ দাকা চ সেরমাতেহঁ কো সাগাড়েৎ ।।
সসনৎ রিনিচ আদম জবরা চেৎরেগে বাম গানঃ আ ।
বাডায়াকাদাঞ্ ইঞ্ দ তিহিঞ্ যুদিয় বাঙিঞ্ জানঃআ ।।
-সেদায় শিরিজল
No comments: