Mit Hr Barya mone (মিৎহড় বারয়া মনে) Santali Poem in Bengali - আদিত্য মিএ সানতালী
মিৎহড় বারয়া মনে
দাঃ লো ঘাটরে-
ঞেলেৎ মিয়ৗঞ এনান খানং
অহায়, তেগোঁ আকান তেঁগো আকান !
হয়তে অটাং পৗঞচি দৗসী
গৗওয়িজ্ লেকা
ঘানেম রেবেদ,
ঘানে মচাম এসেদ ।
ঘানেম লাদাঁয় রৗসকৗতে
ঘানেম কয়গ্ চোঁডোঃকাতে
বের হৗসুর নাখা সেচ্
ভাবনাতে ।
সেরমা সৗড়িম রিমিল লেকা
জিউয়ি দ আমাং
পাসেচ্ আডৗ আকুল বৗকুল
খজে কানেম অকয় গাতে ?
তাঁগিয়ে কানেম অকয় মিলওয়ৗ ?
হেঁগে পাসেচ হেঁগে, অতে….
মাৎঝুড় খনাং রেয়াড়
কুহু কুহু আড়াং
তাকের এনা জিউয়ি নালারে ।
তাকের তিরয়ো সাডেয়েনা
তিনাঃ লিঠুর, তিনৗঃ এম রড় ।
জিউয়িরে, জুডৗসি
বৗইহৗড় পারাম গাডা আড়েরে
অনা আঁজম তেগে
অনা আতেন তেগে
পুচুজঃকান মনে তাম লঃকান জিউয়ি তাম
বুরসি সেঁগেল ঠিক্
মডঃ মডঃ ।
কাঁডাম বৗগিয়াঃ আ ?
হড়কো রড় মেয়া ।
বাঙেম চালাঃতে মা
গাতেমে এগের মে
দাঃলো ঘাটরে-
ঞেলেৎ মিয়ৗঞ্ এনান্ খনাং
অহায়, তেগোঁ আকান তেঁগো আকান্ ।
-আদিত্য মিএ সানতালী
