Jhanti Atte Alam Parma (ঝান্টি এটেৎ আলম পারমা) Santali Poem in Bengali -রামকিষান মাঝি
ঝান্টি এটেৎ আলম পারমা
তুড়ি আড়াঃ তুড়ি তিরয়ো আলম অরংআ ।
চেঁড়ে কুদৗও কুদৗও কড়া ঝান্টি এটেৎ আলম পারমা ।।
হড় নাহাঃক বাড়ায় লেখান্ ।
ঞেল মে নাহাঃক্ লাগামেখান
মেন দৗড়মে অক্ত আলম পারমা ।।
ফুচি চেঁড়েয় গল আকাদা আমাঃ মচা লুটিতে
পিয়ো চেঁড়েয় জস আকানা আমাঃ তেরাং টুটিতে ।।
কড়াম রেচ বিৎ আকানা রিপিৎ তেরাং সারমা
ঝান্টি এটেৎ আলম পারমা ।।
সাড় বাহা জৗয় কাড়গো কেয়াম আলে বাড়গে কচারে
বৗদ্ জানুমেম অতাকেয়া হাড়াঃকঃ আম্ খচারে ।
অকা যখান চেৎ চ হোয়োঃ বাচম বুঝৗও দারামা
ঝান্টি এটেৎ আলম পারমা ।।
বৗদ ঝান্টি এটেৎ জানুম বোকড়ো মাছা পৗটিয়া
বৗকুঃ অড়েচ্ আকান শাড়ি মায়ন হপন বিটিয়াঃ ।।
বৗবুভাই বাচম দিসৗয় আমগে হাঃক চারামা
ঝান্টি এটেৎ আলম পারমা ।।
মায়ন আর মৗতি তেকিন লৗয় এদাকিন্ আলে ঠেন ।
ফালনা মানা বাচয় লাজাঃ আচ উমেরান কুড়ি ঠেন্ ।।
লাজাও পাকাড় সানাম কাথা জাওগে ররড় পারমা
ঝান্টি এটেৎ আলম পারমা ।।
-রামকিষান মাঝি
No comments: