In Da Kanan Casa Hapange (ইঞ্ দ কানাঞ্ চাষা হপনগে) Santali Poem in Bengali

In Da Kanan Casa Hapange (ইঞ্ দ কানাঞ্ চাষা হপনগে) Santali Poem in Bengali-লক্ষ্মীনারায়ণ মুরমু

ইঞ্ দ কানাঞ্ চাষা হপনগে

জোড়া ডাঙরা জোড়াও কাতে

কুডি ঠেঙ্গা গঃক কাতে

ডান্ডা পাঠে কেটেঃচ কাতে

মহন্ডা এনাঞ্ সিয়োঃক্ খেততে

চাষা হপন হাসাঃকরে জো

ওটাক্ ঞামাঞ্ সোগে সোনা

ইঞ্ দ কানাঞ্ চাষা হপনগে ।।

উলাট পালট খেতিঞ্ সিয়া

ছাতু লেকা হাসাঞ্ লাহুদা

ওকতে নাপিৎ চাষ ইঞ্ লাগওয়া

দিনে রাতে ওনাঞ্ জোগওয়া

চাষা হপন হাসা রেগে

ওটাঃক্ ঞামাঞ্ সোগে সোনা

ইঞ্ দ কানাঞ্ চাষা হপন ।।

ওমোন পোহাঞ্ জতন হারায়া

গিদরৗ লেকাঞ্ চোঃক্ হারায়া

খোত্ জৗরুড়োক্ খোতিঞ্ এরা

দাঃক্ জারুড়োঃক্ দাঃক্-ইঞ্ পাটাওয়া

চাষা হপন হাসা রেগে

ওটাঃক্ ঞামাঞ্ সোগে সোনা

ইঞ্ দ কানাঞ্ চাষা হপন ।।

তিকিন সোময় চাষ রেগে,

অকা তাহেনতিঞ্ জিও তোবে

মুঁচকো লেকা মুরুক কাতে

ঝুঁকিঞ্ তাহেন তবে তেগে

চাষা হপন হাসা রেগে

ওটাঃক্ ঞামাঞ্ সোগে সোনা

ইঞ্ দ কানাঞ্ চাষা হপন ।।

বাচঞ্ দিসৗয় রেগেঃচ্ তেতাং

বাডায় বাচঞ্ সেতোঙ-রাবাং

লাগাও তাহেনিঞ্ কৗমিরেগে

জুপুঃচ্ জুপুঃচ্ রৗসকাতে চং

চাষা হপন হাসা রেগে

ওটাঃক্ ঞামাঞ্ সোগে সোনা

ইঞ্ দ কানাঞ্ চাষা হপন ।।

হাসারে দ কামি বেগর

সুক দ ওকারে ওকর

কচে কাড়ম্বারে চাপোঃক্ বেগর

মলা জোকয় লাটুক্ তিসরে

চাষা হপন হাসা রেগে

ওটাঃক্ ঞামাঞ্ সোগে সোনা

ইঞ্ দ কানাঞ্ চাষা হপন ।।

                                        

                                            -লক্ষ্মীনারায়ণ মুরমু