Harket Renah Sate Latarre (হারকেৎ রেনাঃ সাতে লাতাররে) Santali Poem in Bengali -রামধন মুরমু
হারকেৎ রেনাঃ সাতে লাতাররে
ধারতিরে সিঞ ঞিদৗ হিজুঃ সেনঃ
জৗউয়ি জাতিরেহঁ ঞুতৗৎ মারশাল আচুর বিহুর
মেনখান্ অকয় দ,
আখির আহলা রেনাঃ দানাং রে
ঞুতৗৎরেগে তাঁহে উরিচ
জিয়ন লৗড়হাইরে পাহুড় মনে জীউয়ি
আইদারী রেয়াঃ আৎখন্ তফাৎরে
মঠে মনেয় হেওয়া গৗডয়ৗও
হারকেৎ রেনাঃ সাতে লাতাররে ।
মনেয় মেনা পূঁড় ডাহিরে আরজাও
মেনখান
লাসের হাতাং ভতড়ঃ আ
রেঁগেচ চাটানিরে তারকো তাকিচতে ।
বেবাড়িচ অৗরিরে আতারে কচে মলৎ
সানাম গড় সপহৎ আপারেনাঃ তফাৎরে
মেঃৎদাঃ এ জরয়
হেনাঃআ সানা দাড়ে মেনখান যত ললাডুরঃ
হেনাঃআ দিলদাড়ে মেনখান যত রাপুৎ ঞুরুঃ
মেৎ তাহেনতে কাঁড়া মচা তাহেনতে কংকা
বিনরড় আঁরগকাতে সাহাও হয়ুঃতায় ।
অনাতে
পহরে অহ, তাক বাতাররে পুচুচ
সানাম ঞেল সৎকাঃ পারকাও মনে
বাংগেয় আৎরুঞ্
অকয় বাডায় ঞুতাৎ খন্ মারশাল রে
হিজুঃ রেনাঃ আইদারি ঞামায় সে-বাং ।
-রামধন মুরমু
No comments: