Amah Aidar (আমাঃ আইদৗর) Santali Poem in Bengali-বিষ্ণুপদ কিসকু
আমাঃ আইদৗর
মাঃ টানডিকেৎ মা গটা বুরু পাকাড় ।
খারাং দাড়াং বেনাও কেদাম বৗইহাড় ।।
খেত কেদাম সানাম টানডি টিকুর ।
এনহঁ আইদৗর ঞামেৎ আম উকুর ।।
তাহেকানাম আম দ উদৗ দাগাড়
বৗগিকাতে আমাঃ অড়াঃ দুওয়ৗর ।।
বাং এম ঞামেৎ আমাঃ সৗরি আইদার ।
অকয় হঁয়ে বাকো তিগুন উবগৗর ।।
যুদি কানাম কামি কাজতে গাখুড়
এনহঁ আইদৗর ঞামেৎ আম উকুর ?
সেতাঃ খনাঃ আয়ুপ হাবিচ রেয়াঃক্
কামি কানাম আহুলঃ লাগিৎ অবাম ।
কামিরে দ আমগে লাহা লাহা ।
জমরে দক তায়ম এৎমে একাল ঠেলাও সাহা ।।
নিত হঁ অহায় চেদাঃ আম দ লেকা
সাজাঃ কানাম নিতহঁ চেদাঃ বকা ।
সাবমে এহো তেহেঞ্ আমাঃ হৗতিয়ার ।
রাড়াং রাড়াং রাঁওয়ায়নে দেন জিৎকার ।।
চুগুড় মাছা এহব মে দেন হুলসৗয় ।
রাচাঃ কাতে হাতেওমে তাম আইদৗর ।।
-বিষ্ণুপদ কিসকু
No comments: