Dulaur Naike (দুলৗড় নায়কে) Santali Poem in Bengali -গোপাল বাস্কে
দুলৗড় নায়কে
ইঞদ আমরেন দুলৗড় নায়কে
আম ঞুতুম তেগে বাহাঞ্ সিদা
আম ধেয়ান রেগে মনেতিঞ্ দ
দিন হিলোঃ রেয়াঃ সিঁগি-ঞিদৗ ।
সৗরি সনৎ দুলৗড় জাহের থানরে
টিকৗঃ সানাঞ্ সিঁন্দুর ছামেডা লাতাররে
হয় হিঁসিৎ রুয়ৗ রাবাং কোরে
তুকুন হাসো খনাঃ মাসে দোগঃ রে ।
ইঞ্ দ আমরেন দুলৗড় নায়কে
বোঁগায় তুলুচ ইঞ্ অনড়হেঁ বাঁখেড়া
এতম কঁয়ে পাছে তাঁহেন কান্ গে
ইকৗ কাঞৗম্ বাড়ে সানাম বেড়া ।
হেরমেৎ আগু বাহা হাটাঃ দ
অনতর বাগান রেয়াঃ সাড় বাহাগে
সাঁওতে সেপেঞ্ তরা লটা দাঃ দ
জিয়ৗড় অনতর রেয়াঃ দুলৗড় দাঃ গে ।
আমরেন দুলৗড় নায়কে কাতেৎ
ইঞ্ দ তিরে যুগে জনম গে
লাওরে কিদৗঞ্ বহঃ আমাঃ খঁড়রে
আপনার কাঃ মে ঝত নেহর জোহার গে ।
-গোপাল বাস্কে
No comments: