A Sona A Dulariya (এ সোনা, এ দুলৗড়িয়া) Santali Poem in Bengali - ঠাকুরপ্রসাদ মুরমু
এ সোনা, এ দুলৗড়িয়া
বেরেৎ বৗগিকাতে
ঞির সেনঃ সানাঞ্ ঞেপেলঃ
চেদাঃ বাং আঃ?
মিৎ হারা তরা খন মনে তিঞ্ দ
আম সাঁও ঞেপেল বাখান
মনে গে শান্তি গে বাং ।
আডিগে মঁজ আমাঃ রূপ
সারাদিন ঞেলাকাম সানাঞ
রৗক্সৗতে হেলকাঃ তাম দ চাপে
হাপে হাপে ধারেরে তাকিচ্
আঃলেকা লিকিরে লিবিৎ ।
নংকাগে দিনেরাতে আমাঃ দ খেল
রৗক্সৗগে ইঞগে থম হহঃ আঞকানা
দেলা দেলা, হোয়েন দ ঞাপামঃ বেলা !
এ সবরনাখা, সোনা মিরুতিঞ্ !
বৗরু বুটী উমুলরে গিতিল
দিসৗ লেখান ঞির্ সেন সানাঞ্ ।
আমাঃ গে মঁজ মুঠৗন ঞেল
মেৎতিঞ্ দ জুডৗসিঃ কানা ;
রৗক্সৗগে ছিলকৗঃকান্ দাঃরে
উনুম এনেচ জিউয়ি তিঞ্ হঁ রাড়েজঃকানা ।
-ঠাকুরপ্রসাদ মুরমু
No comments: