Paraba (পরব) Santali Poem in Bengali-পূর্ণচন্দ্র হেমরম
Paraba (পরব) Santali Poem in Bengali-পূর্ণচন্দ্র হেমরম
পরব
কাঁসাই নৗই হানা সারে
কাশি ঘুটু পারমরে
তেহেঞ্ গেক পরব এৎ
ধূতি-জামা বা চঞ্ সৗৎলেৎ ।
সানাম কগে দোমেল দোমেল
রৗস্কাতেমা চেহেল চেহেল
গিদৗর পিদৗর ডাহার চেতান
মুচ লেকাক তঁগে আকান ।
কড়া কদ অনা তায়ম
ঢাক, টামাক আর ছায়ম
রুরুতেক তাড়াম এদা
দিনিং হেতাং দিনিংদাঃ ।
কুড়িক দ পাঠে কাতে
ঘেঁট পটম হবরকাতে
যতন তেক ইদিয়েদা
য়াঁহা তিনরে ক সেরেঞেদা ।
বুডহি-হাড়াম লাহা তায়ম
ডাহার আড়ে তালম পালম
লাঠি আতে ঠুকুস ঠুকুস
দাঃ তেতাংরে পুকুস পুকুস ।
ইঞ্দ মেনাঞ্ গাডা দাড়াং
আঁজম এদাঞ্ পরব আড়াং
রু য়েদাক রাড়াং রাড়াং
হেতাং ধাতাং হেতাং দাং ।
-পূর্ণচন্দ্র হেমরম
No comments: