Onatege Horko Dhusaoina (অনাতেগে হড়কো ধুসাওইঞ্) Santali Poem in Bengali -চন্দ্রনাথ মুরমু
Onatege Horko Dhusaoina (অনাতেগে হড়কো ধুসাওইঞ্) Santali Poem in Bengali -চন্দ্রনাথ মুরমু
অনাতেগে হড়কো ধুসাওইঞ্
আঁগা আয়ুপ্ এহের জিকি
গদাম রেগেঞ্ জারি সিকি ।
হাঁডি ঞুতে বৗইহাড়-হাসা
চাবাকেদাঞ্ ইঞগে-কানা ।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
পাউরা হাঁডি একাল কাঁয়া
বাং তাঁহেলেন দায়ামায়া
ভুচেড্ কাতেৎ এরা-উরু
সাজাই-ক’আঞ্ সুরু খুরু ।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
দিকু কাথা চমক ফাঁদা
বতরা্তে জিউয়িতে রেদা
গুগু আঞকো যে হামালাঃ
এন হঁ বাঞ্ সাওয়ালা ।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
আকিল গেয়ান হড়কো অরা
অকত খালিঞ্ কয়ঃ হরা
ইঞমা হালে পুংখা চতুৎ
হড় গাদারে কাথাঞ্ দচুৎ ।।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
অৗয়ুর সতুঃ হড়ম জাঁগা
বিটলেদাঞ্ সমাজ চঁগা
আগিল কআঃ ধরম কাথা
অনৗঞ্ মেতাঃ এখেন চখা।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
হড়ম ইঞাঃ যাকে ডেঁহে
ঞেলতে গিদি কুঁড়িৎ কেঁহে
জজম লাগিৎ লোমো সোরো
ভাগাড়রে দঞ্ দান মিরঃ ।।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
হয়তে হিলাঃ দাকা টুকুচ
রেঁগেচতে ইঞ অদঃ ফুটুচ
আঁতমা যাগে কেটেঃচ ধিরি
এসায় ইঞাঃ অটোম বোরি ।
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
হড় কাবিলঃ ঞুতুম
মারে
পারচাও আকো আকিল দারে
দিশমরেকো মান মাহির
ইঞতেই ঞিঞ্ জাহির
অনাতেগে হড়কো ধুসাওইঞ্ হো,
অনাতেগে হড় কো ধুসাও ইঞ্ ।
-চন্দ্রনাথ মুরমু
No comments: