Bina kaẏa (বৗঞ্ কয়া) Santali Poem in Bengali-পরিতোষ সরে্ন
বৗঞ্ কয়া
জিউয়িরেনাং রৗস্কৗ
রমজ মেনাঃ
পাসনাও আকান লে-লেগেঁৎ ধারতিরে,
আকিল গেয়ান তেবন খাটো গেতে
দিশৗ এ কানাম অকয়
বৗঞ্ কয়া-
আবনা দুঃখ হারকেৎ বেগর সুখ
বাবন দিশৗ ঞামা মানমিয়াঃ কাথা
কুকমুরেনাং আহলা
হেডেজঃ কান জিউরি রে ।
সারদি সিতুংরে তিঁগু আকান এম-
তাঁগিয়ে কানমা অকয় ?
আপনার হড় বানুঃ কওয়া
আদিম হপন যত হন্তে নাতে
অকয় এম কয়েয়াঃ আপনার মেন্তে
।
সিরজন তঙ্গেয়াকান হড়বন সাঙ্গেয়াকান
দিশম মানমি বাবন বুঝাঃ
জিউয়ি রেনাং রাসা ।।
সাড় আকান বাহা
বানুঃ বনা লাহা
চালাও- কানাম অকাতে
বৗঞ্ কয়া
লাহা রেয়াঃ ঞুতৗত ডাহার সেৎ
কাঁড়া লেকা মানমি কচুড় ইদিয়েদাক ।
এ-হো কাঁড়া মানমী
অলঃ আকিলতে দেসে তপলাবন
বৗঞ্ কয়া
মার্শাল রেনাং ঞুতৗত ।
দিল দাড়ে সামটাও আকিল জ্ঞান পারচাও
বেগর জীয়ন জিউয়ি তালাতে
বৗঞ্ কয়া ।
হিড়িঞ্ মে বতরঃ, সাহাও মে লল সিতুং
আলম হিরিজা আমাং কয়া
বৗঞ্ কয়াঃ আমাং সমাজ আমাং ধরম
তেয়ার তাম নাপায় ঘারঞ্জ
জগাও জংমে আমাং হক আইদারি ।।
-পরিতোষ সরে্ন
No comments:
New comments are not allowed.