Jait ‘Jata' (জৗত ‘জতা’) Santali Poem in Bengali

Jait ‘Jata' (জৗত ‘জতা’) Santali Poem in Bengali -সাধু রামচাঁদ মুরমু

জৗত ‘জতা’

লেলহা লিড়িচ্ টিরৗ টেঁব; আদিবাসী একেন

জাতি তরাও সানাবনরে মিৎ জুম্ ব তাঁহেন ।।

ধরম রেবন উদুগ্ কো দর যতনাবন ভালা

দেশ তালারে জৗত বাছনাঃ হর দ নুই এ ঠিক ।।

ধরম চেতান ভরতে বঙ্গা লাঁসাড় গুর মান্তার ।

অৗয়ুর সোতোঃ সপহৎ হড় সমাজ তাবয় পায় খায় ।।

জাহের বুটা নাওয়া সুতৗম তলখি মিদায় সমাজ ।

ধৗরতি রেয়াঃ দায় দোয় খন জিওয়ি দোগায় হারাজ ।।

সৗরি সুলুক সোঘোড় সাঁহিচ মনে সেন্ হর চিয়ৗ ।

খঁচ পর পঁচ হিস্কৗ হুলং মাবন বাগি নিয়ৗ ।।

ধরমতে জৗত মিলন হোয়োঃ মনে তরাও ঘেরাঃ ।

ধরমগে ধন বোরকেৎতাঃআয় কৗমি সারাও ফেরাঃ ।।

চাঁদো বঙ্গা মানাও লেখান মনে ক দয় মাতুর ।

বাড়িচ ভাগে সাহায় ঝত বেশতে দিলে আচুর ।।

আকিল দিশা হুশ হুদিসতে সানাম রেগেম পৗতয়ৗঃ ।

গয়ন বয়ান জ-তা কাথায় লিডুর তরা জৗতয়ৗঃ ।।

ওরোমাব আবন রেয়াঃ ভাকা ধরম সমাজ ।

তবে রেত লেগ্ ভাগরে আগুয়াবন স্বারাজ ।।

                                  -সাধু রামচাঁদ মুরমু