Alam Raga Sugi Chere (আলম রাগা সুগি চেঁড়ে) Santali Poem in Bengali-এিসসটম সরেন
আলম রাগা সুগি চেঁড়ে
আলম রাগা সুগি চেঁড়ে আলসে য়াম্ হায় চগ্ ;
দুখ ভজাতাম অন্তর রেয়াঃক্ আম ছাড়া অকয় গগ্ ।
দুকতেগেয় পেরেচ্ আকান
বুরুমালা বেডা গাডা
দারে নৗড়ি বাহাকোরে
চেঃৎ হঁ বৗনুঃক্ দুক্ ছাডা ।
তলমঃচাকান কিসটুচুড়া, তেতানোঃ কান কারাম ডগ ;
আলম রাগা সুগি চেঁড়ে আল সেয়াম্ হায় চগ ।
ভুমবুকোঃক্ কান মেঃৎদাঃক্ ঝারনা
বুরু রেয়াঃক্ অন্তর খন্
কুডবুর কাতে কাঁডে বাড়ে
রাঃক্ এৎকানায় মনে মন ।
হয় রেগে চঙ্ লেওহাওয়াকান্ হাসো, গগঃচ্ রগ
আলম রাগা সুগি চেঁড়ে আল সেয়াম্ হায় চগ ।
কচা রেয়াঃক্ কৗপুরমুনি
ওকোর বাচয় লাঁদায়েঃৎ
জিনিয়ৗ কুসবি বাস তাকিনতে
কোচা বাকিন আদায়েঃৎ ।
সিরজন গেয় রাকএঃৎখান, অকয় আমাঃক্ দুক্ অচগ ?
আলম রাগা সুগি চেঁড়ে আল সেয়াম্ হায় চগ ।
-এিসসটম সরেন
No comments: