Uda Dangar (উদৗ দাঙ্গাড়) Santali Poem in Bengali-গুহিরাম হেমরম
উদৗ দাঙ্গাড়
অকা সেচ এম সেনঃ লৗগিৎ
এ হো বোআঃ রুন্ডৗ ।
সেনঃ খানেম সেনঃ মে দো-
অনে মেলাম ডিন্ডৗ ।।
সঁগে তরা কতাম গাতে
যাগে কুডৗম সাতেঃ
তহৎ তাকিচ্ জাঁগে দারাম
এড়াও মে কো যাতে ।
ইঞ্ দ ইখাঞ্ রুঅৗড় কানা,
চাঁদ-ভায়রো পাঁজা,
অকা রেকিন ঢাং এন তালে
সিধো কানহু রাজা ।।
অনা হররে ঞাপাম গেয়াঞ্
তিলকৗ মুরমু সঁগে
ঞেপেলকাতে তাড়ামাঞ্ হাঁ
বীরসা মুন্ডা ঞামে
বীরসা সঁগে সেন তরাগে
ঞাপা মিনাঞ যদি
রামচাঁদ আর রঘুনাথ
উদুঃ তিনৗঞ্ আদি ।।
হরেঞ্ রৗপুৎ আরহঁ তাড়াম
ভালুয়া, বিজা, কাপি, কারান
আর মেনাঃক ভক্তা সানাম
বিরৗদ পিলচু বুড়হী হাড়াম ।
বাচঞ্ কাইজৗ বাচঞ্ ঠাইচৗ,
বৗঞ্ তাহেনা পাঠে কেটেচ্
তিনৗঃ দাঃরে তিনাঃচাওলে
চেৎ জালা বৗঞ্ সঃ সেটেচ্ ।।
জোহারিদাঞ্, নেহরিদাঞ্
আচারিদাঞ্ বিচৗরিদাঞ্
জাতি বিরৗদ তেহেঞ্ অকা
উদৗ দাঙ্গাড় রেগে আদাঞ্ ।।
-গুহিরাম হেমরম
No comments: