Kupuli (কুপুলি) Santali Poem in Bengali-নারায়ণ সরেন
কুপুলি
পরায়নি,
সাজঃ কানেম রৗস্কৗতে
সোনা সাজতে ।
লেওয়ের কদর রৗস্কৗতে
সদরঃকান্ মেঁৎকোতে,
সাপড়াওঃ কানেম
সাজঃকানেম
দারামে লৗগিৎ তকয়টাঃ ।
নিপিল,
দেচ্ আকানেম সেরমাতে
চেৎ আশতে ?
তকয়টাঃ এম কয়ঃ আদে
দারায় কানা, কুশিয়াদে
নিমৗন লেগেচ
মুলুচ মুলুচ
লাঁদা মা এনেচ লুটিরে আম ।
ঝারনা
চালাঃকানাম রৗস্কৗতে
তকাতে ?
তকয়মে দম সেঁদরা কান ?
বিরমা বুরু ধিরি চেতান
বৗনুঃ বতর
বৗনুঃ হরম
মেনাঃ মেনাঃ রৗস্কৗ সোহান ।
পিয়ো
দুলেৎ কানেম দানাংকাতে
চেৎ ইয়ৗতে ?
লুতুর সেবেল সেরেঞ্ লিঠুর
নৗতুঃ এহে নৗচুর বিহুর
পিয়ো ! পিয়ো !!
লৗইমে, পিয়ো
দেসে পিয়ো ! সদর কাম ।
পরায়নি আর নিপিল, পিয়ো
ঝারনা ওহায় লৗইয়াঞ্ পেসে
নেহর তিঞ্ দ নাতাংপে
চেদাঃ বেওহার নংকা দ ?
-নারায়ণ সরেন
No comments: