Bakhra (বাখরা) Santali Poem -কালীরাম সরেন
 |
| Bakhra (বাখরা) Santali Poem -কালীরাম সরেন |
বাখরা
হান্তে নাতে খন্ তেহেঞ্ আঞ্জমঃ
আবোআঃ বাখরা খন্ বাংবন কমঃ ।।
আবোহঁ বন তাঁহেনা চিরগৗল আর জৗরি
আবোআঃ হক্ লগন দেবন হিরি ।।
দেবন মেনা তেহেঞ্ মেনাঃ তালে অৗরি
বাটি মাডি খন্ দাকা দেবন গারি ।।
দেবন মেনা তেহেঞ্ মেনাঃ তালে সাঁহেৎ
বাং এম এমঃ! কেকড়েঃ আলে রেরেচ ।।
দেবন মেনা তেহেঞ্ মেনাঃ তালে উইহৗর
আলে কুড়ৗই পৗইলৗ আলে লে হৗর ।।
দেবন মেনা তেহেঞ্ আলে হঁ সন্তর
হক্ আদৗই লাগিৎ বানুঃ বতর ।।
দেবন মেনা তেহেঞ্ জত গে বয়হা
আলে লে রেচ্ হাতাও বাংলে কয়া ।।
দেবন মেনা তেহেঞ্ জত গে সমান
আবন এপের হেঁডেচ্ দেবন থুমান ।।
দেবন মেনা তেহেঞ্ চল জমকতে
আপন লাহান্তিরে দেবন গাতএঃ ।।
দেবন মেনা তেহেঞ্ আবো কদ মিৎ
নংকান জুগুতরেগে হোয়োঃমা জিৎ ।।
দেবন মেনা তেহেঞ্ বানুঃআ বেগর
বডচআঃ দ বাং মেনখান ঞুয়ালে ঝার ।।
দেবন মেনা তেহেঞ্ মেনাঃ তালে দাড়ে
জত লে লা পাটুব জত আড়ে ।।
দেবন মেনা তেহেঞ্ বাংলে তাহেন থির
গাড়লে ঘেরাও দহয় বাং বাংলে ঞির্ ।।
দেবন মেনা তেহেঞ্ আলে গটা টাঁডি
তুপুৎ গেলে বাড়ায় বাংলে গাড়িঁ ।।
-কালীরাম সরেন
